Kategoriarkiv: utstilling

Nordanger gardsmuseum på Radøy

Nordanger gardsmuseum var siste arrangement ut i dei 20. kystsogevekene, Kystsogevekene 2016, 18. september var den gamle skulestova open.

Etter eit besøk på Radøy ridesenter gjekk turen videre frå Mangerområdet til Nordanger. Langs Radøyvegen ligg to generasjonar nedlagde Gamle Nordanger skule, den nyaste er i dag Nordanger grendahus, medan den litle kvite stova er Nordanger gardsmuseum.

Nordanger gardsmuseum er i den gamle skulen som opprinneleg vart bygd ein annan stad på Nordanger i 1864, men vart flytta dit den står i dag i 1884. Den vart då også utvida med kammers og loft som bustad for læraren.

I 1912 vart skulen nedlagt og bygninga vart brukt som bedehus fram til 1980, og det sto etter det tomt og til nedfalls fram til 1998.

Noværande eigar Johannes B. Birkeland overtok huset av kommunen i 1998, og har sidan det sett det i stand, og samla inn ei rekkje gjenstander knytt til skule, kvardagsliv, fiske, skomaking, bedehusliv og mykje anna.

Vi hadde ein fin oppleving, og fekk ein lang prat med eigaren, som fortalte oss om historien til bygningen, om gamle dagar, om ulike gjenstansgrupper og gav oss mykje lærdom.

Kvar einaste gjenstand i det litle, men fulle huset har si fortelling, og her kan ein nytte rikeleg med tid, og her er mykje å lære. Tusen takk for oss!

Utstilling på Vedholmen Galleri

Vedholmen Galleri ligg i Søre Øyane, i Røttingavegen 23, på Lepsøy. Kvart år brukar det å vere ei utstilling i løpet av Kystsogevekene. I 2016 var det seperatutstillinga Periskop med Line Hvoslef sine måleri.

Nå er Kystsogevekene for lengst over, men vi var innom heilt i slutten av utstillingsperioden til Periskop. Her vart vi godt tatt i mot av Vibeke Harild som står bak galleriet.

Vedholmen Galleri har fått ny galleributikk og har kunstutsal, i tillegg til ei rekkje utstillingar i løpet av året, dei har

No er det straks slutt for utstillinga Oppspenn med separatutstilling med skulpturer/mobiler av Reinhard Haverkamp som etterfulgte Line Hvoslef sin Periskop.

Laurdag 5. november er det klart for Kollektiv juleutstilling med galleriets eigne kunstnarar innen måleri, grafikk, skulptur og keramikk samt gjestekunstner Zeljko Uremovic, Kroatia, som viser ei separatutstilling med måleri i intimgalleriet. Her kan du kjøpe vakre og særprega julegåver, og samtidig få ein flott tur i vakkert omland i Søre Øyane i Os.

Pressedekning av utstillinga på Vedholmen Galleri:
www.midtsiden.no/hvoslef-tilbake-pa-vedholmen
osogfusa.no/maritim-verdspremiere-pa-vedholmen-galleri

Kommande program i galleriet 

Utstillingar på Galleri Rustica

Galleri Rustica brukar å ha utstillingar og arrrangement i løpet av Kystsogevekene, det hadde dei i år også. Vi tok turen laurdag
10. september.

I år har Galleri Rustica på Holmeknappen i Meland 10 års jubileum, og dei markerte det med fleire utstilingar, mellom anna ei utstilling som viste utvalgte bilete frå mange av dei som har stilt ut her gjennom alle desse åra.

Utstillingane under Kystsogedagane i Meland og resten av Kystsogevekene var mellom anna med Nordhordland kunstlag sine bilete, og Jubileumsuttillinga 10×10 kunstverk med over 50 utstillarar. Kunstlaget tok bilete frå utstillingsopninga. Det var også ei eiga temautstilling om havet tar og gjev tilbake i utstillingslokalet Floren. Der var det også film frå då stormen Nina herja.

Leif Johnsen og Anne S. Johnsen er også engasjerte i Ullveka som vert markert i Hordaland og Rogaland i slutten av oktober, med eit rikhaldig program, med både foredrag, kurs, aktivitetar, strikkekaffi, demonstrasjon av ulike handverk og mykje meir.

Galleri Rustica set opp ny utstilling i samband med Ullveka – Mangfaldige åkler frå Nordhordland, utstilling opnar 22. oktober og vil stå til 30. oktober.

Tusen takk til Leif og Anne for mange flotte bilete og kunstverk å sjå, ein hyggeleg stund og kjekk prat på Holmeknappen!

Modellbåter av fjordabåtar

Sjå mange av dei gamle fjordabåtane i skalert til liten størrelse ombord i M/S Vestgar på  Kystsogedagane i Meland, Holmeknappen. 

Bergen Skala Modellbåtklubb er ein gjeng båtentusiastar som legg mykje arbeid ned i å bygge modellar bygge modeller av båter som folk langs kysten kjenner igjen, anten det er fjordabåtar, ferger, hurtigbåtar, hurtigruter eller marinefartøy.

Det er særs begrensa med byggesett å få kjøpt av slike fartøy, og dei har utvikla metoder for å bygge båtene sjølv, slik at i dag vert langt dei fleste modellene bygd heilt fra scatch basert på teikninger og bilete. Mykje arbeid vert lagt ned for å finne fram til mest mogeleg informasjon om kvar av båtane dei bygger.

Dei siste to til tre åra har dei hatt eit prosjekt med å bygge fjordabåter og sjøbusser som trafikkerte områdene vest og nord for Bergen. Gjerne kalt «kvart over to-båtene» (då dei gjekk fra Bergen kvar lørdag kl.14.15 –  då var det helg!)

Det er eit 10-tals modeller av denne båttypen dei kjem til å vise fram på utstillinga om bord på Vestgar på Kystsogedagane i Meland, Holmeknappen søndag 28. august. Følgene modeller er med på utstillingen; Seimstrand, Hosanger I, Oster, Vestgar, Melanddrott, Alversund, Midthordland og Hernar.

Bergen Skala Modellbåtklubb gjer eit viktige bidrag til å ta vare på kystkulturen – ikkje minst i vårt distrikt, då det er mye historie i kjølvatnet av desse båtane.

Bergen Skala Modellbåtklubb (BSMBK) består i dag av litt over 35 medlemmer, kor 15 er aktive. Klubben vart starta på 1970-tallet ved at eit beskjedent antall entusiaster med interesse for båter kom sammen. BSMBK har i dag sitt møtested (annankvar tirsdag) på Godvik skole, Bergen vest. I kjelleren har klubben sitt byggelokale kor dei som har mulighet til det, kan komme saman på dagtid for å bygge. Dette gjev selvsagt inspirasjon i tillegg til det sosiale aspektet.

Tusen takk til Frode Bjelland, for alle bilder og informasjon frå i Bergen Skala Modellbåtklubb.

Sjå programmet for Kystsogedagane i Meland, Holmeknappen.

Modellbåtane kjem søndag, men programmet på Holmeknappen startar alt fredag kveld med Kulturkveld i stove og løe. Lørdag og søndag blir det marknad, underholdning og aktivitetar.

Frå Kystsogedagane i Meland på Holmeknappen

Kystsogedagane i Meland finn stad på Holmeknappen siste helga i august. Gamle Dampen DS Oster er stamgjest på desse dagane, det same har dei siste åra også Vestgar vore. Dei ligg side om side ved dampskipskaien når eit av høgdepunkta for dagen kjem, nemleg når det er tid for at Hurtigruten passerar. Dei store hurtigruteskipa brukar svinge bortom kaien på sin veg langs leia mot Bergen. Det er staseleg når dei tre båtane helsar, og folk vinkar og helsar til kvarandre frå land og frå alle båtane.

Kystsogedagane i Meland bydde på mykje, både underhaldning, mellom anna med Heimalanne, og Cato Jensen, marknad, aktivitetar og ikkje minst utstillingar. Det var utstilingar både i Holmestova, i Sjøhuset og i Galleri Rustica som i år har to lokaler etter at også kjellaren på løa er innreia til galleri. I kjellaren kunne vi sjå utstillinga med undervassfoto av Atle Ove Martinussen, I djupet er ei anna verd, i hovudedelen av galleriet er det Sverre Stokke som viste fram Tau som fortel, og i Sjøbua var det utstilt flotte åkle og ryer av Kristi Skintveit.

Dagleg leiar hadde ikkje høve til å vere med på Holmeknappen i år, men er glad for å ha fått flotte bilder av Åse Berg Lohne.

Avisa Nordhordland rapporterte etter arrangementet om Fiskelykke  for Sunniva, og Strilen fortalte om Ola sin båtlukke

Høyr Oster, Vestgar og Hurtigruten helsa på Kystsogedagane 2012

Kystsogedag på Engevik Gaard Anno 1723

Engevik gard er ei kulturperle frå 1700 talet som tilbyr servering og omvising på den historiske plassen. Her er ni bygningar som skriv seg tilbake til 1700-talet. NRK sin realityserie Anno var populær i vinter, der levde deltakarane på 1700-talsvis.  Anno 1723 vart valgt som tema av arangørane i Sævareidfjordens Ungdomslag, Fusa kommune og Engevik gaard til årets Kystsogedag i Sævareidfjorden. Årstalet var valgt etter året oberstløytant Christian Wilhelm Segelcke, kjøpte garden som sjefsgard, og busette seg der. Dei ville legge vekt på 1700-tals handverk, aktivitetar, marknad, mat og leik.

Årets opnar og attraksjon var Enok Groven, kjent frå NRK Anno sin serie, for mange den moralske vinnaren, sjølv om han kom på andreplass. Han fekk forøvrig  Gullruten som Årets deltaker på tv-bransjen sin kåring.

Enok var ikkje einaste kjente ansikt frå tv-serien som var på Engevik denne dagen. Deltakarane skulle lære seg å lage tønner i løpet av opphaldet. Opplæringa i forkant og bedømming (oldermann) innan bøkkerfaget er det henholdsvis Oddvar og Jostein frå Tønnegarden i Fusa som sto for. Tønnegarden var også til stades på Engevik på Kystsogedagen. I tillegg var også oldermann i båtbygging Hallgeir Forstrønen Bjørnevik på plass for å vise og fortelje om båtbygging.

Det var også fleire innslag frå scena, både kåseri om 1700-talet, framvising og forteljing om den flotte Fusabunaden, og song og musikk ved Idar og Natasja og gruppa Standing still.

Det var også Torgdag ved Engevik gard med sal av ulike både matprodukt og handverk, og Barnas Anno med lykkehjul, krokett og andre leikar.

Inne i hovedbygninga hadde Hålandsdalen Folkedraktsaum utstilling i to vakre stover. Her var både heile bunader, draktdeler og stoff vist fra, og det var høve for å ta en prat om bunad. Det vart også vist fram og fortalt om arbeidet med fusabunaden frå scena. Dette valget av tema var vel neppe tilfeldig, de skjøna vi då det vart avslørt kven som vart tildels Anders Kåre Engevik kulturvernpris for 2015, nemleg eldsjel og initiativtakar til å få rekonstruert fusadrakten. Else Bodil Gjøn er ein kulturarbeider som i mange år har gjort ein uvurderleg innsats for å ta vare på og vidareføra lokal drakttradisjon.

Engevik Anno 1723 viste også fram ei rekkje handverk. Her var det både bøkring, båtbygging, lefsebakst, smiing, og ikkje minst prat om handverket og resultata.

Denne dagen var det også Barna sitt Anno. Det var lagt opp til ein kunnskapsquiz som gjorde at barna kunne oppsøke handverkarane innan fleire fag og få hjelp til å finne ut kva ulike verkøty var for noko og korleis dei skulle brukast, og andre spørsmål som dei kunne lære av. Vinnaren sin premie var ei sverdkamp og litt opplæring i fekting med Enok.

Programmet for dagen

Førehandsomtale i Os og Fusaposten
Cultura Anno i Os og Fusaposten
Anders Kåre Engevik sin kulturvernpris 2015

Anne Hesvik – kunstnar

 

Godlyder over Radøy – Radøy Motorsamling

Laurdag 22. august hadde Guttorm Storheim ope på Radøy motorsamling, på Kalneset. Alt då vi kom nede ved hovudvegen utover Radøy ana vi at her var noko på gong. Mange bilar sto parkert attmed vegen, og då vi steig ut høyrde vi taktfaste dunk-dunk. Vi fulgte flokken av menneske opp bakken i retning av lydene og kom raskt fram til lydkjeldene. Ei mengd motorar sto på line utforbi stor verkstadsbygning med opne portar. Samla kring motorane sto folk med store glis på plass og beundra vidundera.

Radøy motorsamling består av godt over 200 ulike motorar som har vore brukte i distriktet, så det var mykje å sjå på, beundre, og diskutere. Dei aller fleste motorane er sette i stand. Samlinga inneheld også traktorar og jordbruksmaskiner.

Det vart mykje prat og smil kring alle motorane, dei skinande og finurlige motorane fascinerar folk i alle aldrar. Ekstra kjekt er det også nå det sviv rundt hjul og stempler, og røykren prustar taktfast, og lyden av motoren fyller lufta.

Det var deilig vaflar, kaffi og saft å få frå Guttorm sin familie,  hjelparar og motorentusiastar som også var med, prata med folk og viste rundt.

Det var dessutan ei samling flotte motorsyklar av gamal årgang, også her kunne ein fortape seg i vakre detaljar og liner.

Inne i verkstaden var det motorar under vøling, og ikkje minst ei mengd verktøy for å reparere og skur på alle vidundera.

Infor om Radøy motorsamling med kontaktopplysingar 

Litt meir om Radøy motorsamling og ein eldre artikkel om Sabb-samlinga

Kystsogevekeutstillinga i Moster Amfi

Årets utstillar på Moster Amfi under Kystsogevekene er Ragnar Blichfeldt Haug. 

I omtalen av utstillinga skreiv Moster Amfi at Han malar ein del motiv frå kystkulturen, og søkjer gjerne den absolutte ro i frossen vinter ved fjorden. Havner og strandlinjer, bygningar og farkostar er etterlatt som handlingslamma liv, forlatt i nedfrossen dvale og ventar mens livet går vidare ein annan stad.

Den som sto for opninga av utillinga laurdag 15. august var dagleg leiar i Stiftinga Kystsogevekene, Lena Eikeland Kutschera, og dermed tok altså eg turen til Moster denne litt regntunge lørdagen.

I opningstalen var eg utfordra på å fortelje litt om kva Kystsogevekene er, og eg trakk då linene frå dei stille, frosne vinterkystkulturen, til den levande, yrande kystkulturen som vert presentert i Kystsogevekene. I kystsogevekene er det nettopp livet som går vidare, i desse vekene er det liv og røre langs heile vestlandskysten. Det yrar av liv, og arrangementa er møteplassar der folk deler opplevelser. Her er kunst, konsertar, marknader og festivalar. Det er turar både på sjø og på land.

Opningen av denne utstillinga var ett av desse arrangementa, og vi fekk ikkje berre sjå flotte bilete, men også høyre Hanne Bergheim synge vakkert i den stemningsfulle utstillingslokalet, også akkompagnert av kunstnaren sjølv, Ragnar Blichfelt Haug. Det var ein god del menneske som fann vegen til Moster Amfi og utstillingsopninga. Utstillinga vert ståande fram til 27. september

Etter utstilingsopninga, prat, kaffi og vaflar fekk vi omvising i utstillinga Frå heidendom til kristendom. Vi fekk også ta turen ned i ei nedlagt gruvegong som i dag rommer utstillinga Steinriket Bømlo. Spennande! Vi avrunda dagen på Moster med ein tur til den vesle middelalder steinkyrja, Moster Gamle kyrkje

Moster Amfi sin omtale av utstillinga

Utstillingar i Kystsogevekene

Det er mange galleri som heldt ope med utstillingar under Kystsogevekene. Her er det berre å nytte høvet til å få med seg flotte kunstuttrykk.

Vedholmen Galleri i Os – Os inspirerer
Utstilling i Havgapet ved Lepsøy i Os. Ved denne utstillinga har alle kunstnarane fått til oppgave å forholde seg til tittelen «Os Inspirerer» . Det er første gang i galleriet sin historie at det er så mange fotografer med i ei kollektiv utstilling!

Kystsogevekene 2015. Vedholmen Galleri. Plakat
Moster Amfi på Bømlo
Årets kystsogeutstillar  i Moster Amfi er Ragnar Blichfeld Haug, han malar ein del motiv frå kystkulturen, og søkjer gjerne den absolutte ro i frossen vinter ved fjorden. Havner og strandlinjer, bygningar og farkostar er etterlatt som handlingslamma liv, forlatt i nedfrossen dvale og ventar mens livet går vidare ein annan stad.

Kjærleiken har ført til mange besøk på Vestlandet og Bømlo, der han finn motiv med gjenkjennbar stillheit som har heilt andre aspekt i seg.moster amfi
Galleri Gamleskulen i Lindås –  Nedre Eikanger 1
Galleri Gamleskulen deltek på Kystsogevekene med kunstutstilling. Tittel på utstillinga er: Barn av det blågrøne landet. Det handlar om fortid og notid, om ulike menneske sine liv og oppvekst i den blågrøne naturen her langs kysten. Her har me sjø og hav, regn og skodde, lyse blågrøne sommarnetter i ein vakker, frodig natur. Og det er mange og ulike menneske som lever saman her. Dette vil me feira med denne utstillinga! Uttrykksikonet smile
Opningstider vert:
Fredag 28. august og 4. september kl. 16 – 19
Lørdag 29. august og 5. september kl. 12 – 16
Sundag 30 august og 6. september kl. 12 – 16

galleri gamleskulen
Galleri Gamleskulen, i Lindås. Foto Galleri Gamleskulen

 

Galleri Mjøsvågen i Hosanger på Osterøy
Sundag i Mjøsvågen kvar sundag 14-18 fram til 13. september, ope galleri og kafe. 

Richard Devereux: Bilder, egen teknikk
Richard Devereux er frå Storbritannia og studerte ved Portsmouth College of Art – 1974-1977. Heilt sidan 1979 har bileta hans fått stor merksemd og arbeida hans finns i ei rekke private, nasjonale og internasjonale samlingar inkludert: Chelsea School of Art – London, Sackner Arkiv – USA, The Scottish National Gallery of Modern Art, Tate Gallery – London, Tsukuba Dojo – Japan, Van Abbemuseum – Holland, Vancouver Art Gallery – Canada og Yorkshire Sculpture Park – Storbritannia.Han nyttar ein eigen teknikk. Sjå også meir på nettsida hans: http://www.richarddevereux.com

Gunvor Rasmussen: Trykk
Gunvor er en illustratør og jobber ut fra sitt galleri og studio på Bryggen i Bergen. Hun har illustrert flere barnebøker, tegnet for Bergens Tidende, og gitt ut boken «Champagnepiker». Illustrasjonene hennes er laget i blekk og akvarell, og hun er ikke redd for å utlevere seg selv og ha det moro med stereotyper.

Janne Olsen: Foto
Janne Olsen har budd på Hamre i fleire år. Ho er hobbyfotograf og ulike landskap er favorittmotiva. 

For andre aktivitetar i Mjøsvågen følg med på: www.gallerimjosvagen.no  og Facebook.

Mjøsvågen er kommunesenteret i tidligere Hosanger kommune
Mjøsvågen er kommunesenteret i tidligere Hosanger kommune

 

Galleri Rustica i Meland – 29. – 30. august
Utstillinga I djupet er det ei anna verd vert å sjå på Galleri Rustica i under Kystsogedagane i Meland. Undervassfoto ved Atle Ove Martinussen som dykkar og har vakre undervassfoto av skapingar vi ellers ikkje får sjå, det vert Ein glytt inn i ein stille og ukjent verden. Abyss Photo 

nakensnegl

Flott offisiell opning av Kystsogevekene 2015

Onarheim på Tysnes var staden der startskotet for Kystsogevekene 2015 gjekk laurdag 8. august. Vi fekk ein strålande dag, ei luke i den ellers fuktige og gråe sommaren. Himmelen var blå, skyene kvite og solen strålte saman med alle menneska som var med denne dagen.

For nokre av oss starta dagen på Tysnes med guida busstur frå Våge til Årbakka, Kaare Malkenes fortalte oss om stader og historie på vegen, vi passerte mellom anna Johannes Heggland sin heim, der mange av bøkene hans vart skrive.

På Årbakka vart vi møtt av lyden av ein gamal båtmotor, og røykringer sto opp framom dei gamle kvite handelshusa. Vertskapet på Årbakka tok i mot oss som kom med buss, og dessutan mange andre som også hadde tatt turen hit. Vi vart bydd på kaffe, deilige vafler og historie om handelsstaden.

Ved kai låg Senet og seglskuta Seladon. 25 heldige fekk vere med på fjordtur på vet til Onarheim og Alsaker Bryggje der den offisielle opninga skulle gå føre seg.

På Onarheim var det rigga til med scene, telt og nokre salsbodar, og også her hadde mange funne vegen i fineveret. Ei offisiell opningshøgtid inneber talar, og ordførar Kjetil Hestad ønskte velkommen til Tysnes og offisiell opning av Kystsogevekene 2015. Det var mange god ord som vart sagt denne dagen.

Tysnes presenterte også unge lovande musikarar frå øya, og heile programmet var ypperleg sydd saman av Jørgen Knudsen, som med varme og humor leia oss gjennom programmet.

På Alsaker Bryggje var det aktivitetar, bodar og mat. Det var høve til lå komme seg på fjorden, både med robåt og med selgbåten Seladon.

Onarheim var staden for opninga, og Tysnes ønkte også å vise fram den gamle Seløystova, her var det utstilingar, og for å komme dit var det lagt opp til guida turar av menn med hatt. Det var også høve til å komme seg opp bakken til Seløystova og til Onarheimskyrkja med staseleg hesteskyss.

 

Den flotta opningsdagen på Tysnes vart avrunda med at Onarheim kyrkje  vart tatt i bruk som Onarheim kulturkyrkje, og opna dermed for andre aktivitetar og arrangement enn dei reint kyrkjelege. Det var prost Svein Arne Theordorsen som sto for denne innviinga.

I våpenhuset til kyrkja var set sett opp ein plakatutstilling om Johannes Heggland sitt forfattarskap. Og den første forestillinga i Onarheim kulturkyrkje var basert på Johannes Heggland sine bøker, Brød av havet, om kvinna Anna Gyria sitt liv. Det er Johanne Øvstebø Tvedten som har bearbeida bøkene til ei forestilling med berre henne sjølv i rolla som Anna Gyria. Ho mala fram bilete og liv til Anna Gyria og menneska og miljøet kring henne. Ei imponerande forteljing som fengsla ei full kyrkje i dei ein time og førti minutter lange forestillinga.