Kategoriarkiv: middelalder

Middelalderfestival på Bergenhus festning

Festningsdagene blei arrangert på Bergenhus festning siste helga i august. Då var festningen fylt med middelaldermenneske og aktiviteter.

I Kystsogevekene er det mykje kystkultur, og mykje historie og gamle dagar, men på Festningsdageene vert det litt meir av soge og det som var utgangspunktet for Kystsogevekene, nemleg konger og spel om makt og dominans. Håkonarspela var første byggesteinen i Kystsogevekene og spela handla om utviklinga av kongemakta i Norge.

Festningsdagene går føre seg på Bergenhus festning eit viktig maktsentrum i Norge i middelalderen. På Festningsdagaene  er det ikkje sogespel eller skodespel, men levandegjering av mellomalderen i form av middelaldermennesker, med både handverkarer, krigarar og handelsfolk.

Det visast fram handverk og kriging, med sverd og skjold, pil og boge, kastemaskin og kanon. Publikum fekk vere med å skyte med pil og boge, nokre heldige fekk trekke  den store kastemaskinen Magnus, som Bjørgvin handverkslag viste. Dei demonstrerte artilleri for publikum. Det var kampoppvising med Kongshirden 1260, sverdleik med Tidsreiser og dessutan ein liten kastemaskin som born kunne forsøke å treffe ein liten mur med.

På marknaden kunne ein kjøpe ullstoff og garn, glas, smykker, leikevåpen og andre mellomaldervarer. Det vart vist fram urter og varer laga av urter og planter, til medisinsk bruk, til såper, oljer og mat, og sal av mat i frå fleire kafetelt.

I Rosenkrantztårnet holdt den unge dronning Ingeborg til, og borna kunne gå på hoffskule og lære seg å te seg rundt og hilse på den unge dronninga, og etterpå vise fram dans og hoffetikette nede på marknaden.

Canardus horribilis sørga for middelalderstemning med deira fengande middelaldermusikk. På kvelden sette dei også stemninga i telta borggården der det var oppvarming før Wardruna skulle ha konsert inne i Håkonshallen, både laurdag og søndag. Vi fekk ein fantastisk opplevelse lyd, lys og ikkje minst stemning i den store kongelege steinhallen.

Festningsdagene er et samarbeidsprosjekt mellom aktører på Bergenhus Festning; Kommandantskapet på Bergenhus, Statsbygg Vest, Forsvarsbygg nasjonale festningsverk og Bymuseet i Bergen.

Tusen takk for ein flott middelalderopplevelse!

Følg gjerne Festningsdagene på Facebook

 

Bogatunet – opning av kystsogevekene i Radøy

Radøy brukar  å markere startskotet for sine kystsogeveker, og i år var deira opning lagt til Bogatunet den 14. august.

Kystsogevekene og seinsommaren heng saman, det er ei god tid, då møtes vi igjen etter ferietid, og vi har gode stunder saman. Da gjer vi som fuglane, vi samlast og starter på hausten, sa ordførar Jon Askeland innleiingsvis.

At Radøy i år valgte å legge opninga si til Bogatunet var ikkje tilfeldig.  Ordføraren var glad for å kunne sleppe ein politisk lekkasje, at Radøy kommune har fått tilbod om å overta Bogatunet frå Nord- og Midthordland sogelag, regionssogelaget som no legg ned drifta, på grunn av lite rekruttering til laget. Det er ikkje endeleg avgjort, det skal ei politisk handsaming til før endeleg vedtak. Det er føl dessutan mykje ansvar med å overta eit slikt kulturminne, men han lover dei skal gjere sitt beste for å få til ei god løysing, slik at også kommande generasjonar skal få sjå, lære av og oppleve Bogatunet.

Dette er vår Mariakirke sa ordførar Jon Askeland om Bogatunet, og trakk fram kor viktig Boga er som kulturminne, ikkje berre for Radøy, men for heile Nordhordland.

Nils Georg Brekke, var invitert for å fortelje om byggeskikken og på Bogatunet. Han slutta seg til Askeland, og sa at Bogatunet er kulturminne i Europaklassen, og burde vore betre skilta. Nils Georg Brekke er tidlegare fylkeskonservator i Hordaland, har vore direktør på Kulturlandskapssenteret, står bak Kulturhistorisk vegvisar, andre liknande bøker, og mykje meir. Han held i desse dagar på å oversette boka Norsk arkitekturhistorie til engelsk. Han trakk dei lange trådane tilbake til mellomaldersk byggeskikk og synte plansjer og forklarte kvifor denne byggeskikken frå Strilalandet hører til mellom dei viktigaste kulturminna i Europa, og korleis tunet kan vere nøkkelen til å forstå norgeshistoria.

Etter Nils Georg Brekke sitt interessante foredrag fekk vi ei spennande innføring i laksefiske med not frå Berit Kvalvik. Ho fortalte korleis det hadde vore innretta i Boga og Kvistekrinsen, med fangstrettar, om systemet med å sette ut nota og sjekke, om gode prisa og om Laksefly som flaug over for å sjekke at nota ikke sto ute lenger enn regelverket tillot.

Vi fekk også høve til å sjå inni husa i tunet, til å prate med kvarandre, og til å sjå og mimre for dei som hadde kjenskap og erfaring med dei mange gjenstandanstypene som fins i huset.

Keipane kystlag var også del av arrangementet, og hadde aktivitetsløype for born, og dessutan fiskekaker og nubbesild og heimelaga saft for sal i Nordrevågen til Boga. Her kunne vi også få prøvd oss utpå vågen, anten vi ønskte å ro eller padle.

Etter Bogatunet og Nordrevågen kunne vi ta turen bort til grendahuset og ta søndagsmiddag i form av rømmegraut med  spekemat, vaflar og kaffi.

Også denne dagen var det litt grått og vått, men det var likevel ein positiv og fin dag. Tusen takk til Radøy kommune, Radøy sogelag, Keipane kystlag og Kolstad grendehus for ein kjekk dag!

Silje Namtveit song denne vakre songen av Erik Bye og Henning Sommero på opninga:

Jeg synger meg en blå, blå salme
når dagen svinger hatten til farvel
og ror med sakte åretak mot strender
dit alle dager ror når det blir kveld.
Da søker jeg min hvile
ved treets trygge rot
mens sankthansormer gløder grønt
i gresset ved min fot.
Da synger jeg min salme.

Tekst Erik Bye/ Melodi Henning Sommero Blå salme

Førehandsomtale i Strilen av arrangementet

Frå Bergenhusdagene / Festningsdagene

Siste helga i august var det klart for middelalderfestival på Bergenhus festning, Bergenhusdagene, eller Festningsdagene 2015.

Arrangementet er eit samarbeid mellom Bymuseet i Bergen, Statsbygg Vest, Forsvarsbygg Nasjonale Festninger og Bergenhus Kommandantskap.

Det er eit stort apparat i sving når ein inviterer til eit slikt arrangement, ikkje minst er det mange frivillige involverte. Bjørvin Handverkslag er ei aktiv, viktig og synleg part i Bergenhusdagene. Dei siste åra har dei vore med å gje action på Koengen under Bergenhusdagene. Gjengen har laga ein stor valslynge eller kastemaskin som har fått namnet Magnus, etter den første kongen som tok slike i bruk her i landet. Denne får publikum vere med å trekke når den slynger sine kålhovud langt, og for ikkje å snakke om høgt over gressmatta på Koengen.

I fjor var nyvinninga pilregn med tunge stridspiler, som hagla over marka. I år var det også pilregn og heile oppvisinga slutta av med avfyring av handkanon.  I det heile tatt var det ein del historisk artilleri på festningen desse dagane.

Bjørgvin handverkslag driv sjølvsagt også med handverk på Bergenhusdagene, eller Festningsdagene , og viste også fram mange forskjellige handverk.

Bildene er tatt av Kutschera/Fortidsfamilien som til tider sammenfaller med Kutschera/Kystsogevekene. Fortidsfamilien er nemleg familien til dagleg leiar i Kystsogevekene.

Fjerde helg i Kystsogevekene 2015

No er vi alt over halvvegs, men det vantar ikkje på arrangement for det! Til helga er det mykje som skjer.

På fredag tek Kystsogedagane i Langevåg til med pubkveld, revy og show. Dei held fram heile helga, og mellom høgdepunkta vert rokonkurransen, kassabilløpet og ikkje minst show med KLYPA.

Kassabilløp i Langevåg på bømlo
Kassabilløp i Langevåg på Bømlo

Fredag og laurdag kjem dampen Oster, både i form av kabareten Ivar Medaas – Dar kjem Dampen, som vert sett opp på Strilatun i Lindås, og i Fjon i Masfjorden.

Sjølvaste Dampen DS Oster tek turen til Holmeknappen og Kystsogedagane i Meland laurdag og søndag, og er du blant dei heldige kan du skaffa billett over vere med når Oster går i rute i Herdlafjorden på kveldstid.

Oster i Herdlafjorden
Oster i Herdlafjorden

Dersom du vil ta tidsreisa litt lenger tilbake enn til Gamledagar, kan du oppleva middelalderstemning på Bergenhusdagene, eller Festningsdagene på Bergenhus festning. Her dukkar det opp ei mengd menneske i middelalderklede og du får forsøke deg på middelalderaktiviteter, smake middelaldermat og gå på middelaldermarknad. Det vert også action når den store kastemaskinen Magnus slynger sine kålhovud over sletta på Koengen, eller pilregnet frå middelalderbogeskyttarar suser over sletta.

Ei vakker middelalderjente som vart lagt merke til av mennene
Ei vakker middelalderjente som vart lagt merke til av mennene

Ønskjer du meir aktivitet på sjøen inviterer Keipane Kystlag til sin flotte familiedag med fiskekonkurranse i Sæbøvågen på Radøy, her kan heile familien prøve seg på fiske og andre kystaktivitetar – her er også fine premiar.

Denne vetle fisken skulle vise seg å vinne premien for minste fisk! Gjett om guten var stolt...
Denne vetle fisken skulle vise seg å vinne premien for minste fisk! Gjett om guten var stolt… Dette var i fjor

På Jensaneset på Stord inviterer det rike kystmiljøet kring Sagvågen kystlag til Vervadagar, med flotte båtar, gamalt handverk, oppgangssag, smed, kafe, konsertar og utstillingar på laurdagen. søndagen vert det Vervagudsteneste med kyrkjekaffi etterpå.

Liten og stor skøyte på Vervadagen
Liten og stor skøyte på Vervadagen

… og dette er berre eit utval av alle arrangementa, sjå heile programmet:

Program Fredag

Program Laurdag

Program Søndag

 

Fra Bergenhusdagene 2014

Korleis var livet i middelalderen? Bergenhusdagene forsøkte å gje publikum eit lite innblikk i dette helga 6. -7. september 2014, slik dei gjer kvart år. Då levandegjer ein historia på Bergenhus Festning, med marknad, musikk, aktivitetar, omvisingar og ikkje minst ei mengde mennesker staseleg kledd opp i middelalderklede. Her var trubadurar, flammeslukar og marknadsfolk, krigare og dronning med hoffskule for born for å lære små gutar og jenter å danse og føre seg ved hoffet. Bergenhusdagene formidlar middelalderens Bergen og Bergenhus på ein todagers fest for heile familien.

Heile dagen og utover kvelden kunne dessutan middelaldermusikk høyrast over festningsområdet, frå middelaldermusikkgruppa Canardus Horribilis som spredde musikk og god stemning på heile festningsområdet. Eit stort gildetelt var sett opp på Paradeplassen, og her kunne folk sette seg ned og handle seg middelalderinspirert mat tilberedt av forsvaret sine kokkar. På kveldstid vart lykter og bålpanner tent og folk kunne nyte middelalderstemning.

Filmen Bergen Anno 1300 er ein rekonstruksjon av Bergen på 1300-tallet. Rekonstruksjonen er laga av Arkikon og er basert på arkeologiske og historiske kilder, og utarbeidd i samarbeid med Byantikvaren i Bergen og Riksantikvaren. I filmen ser vi korleis festingen og byen kan har vore i middelalderen, på Bergenhusdagane forsøker Bymuseet og alle samarbeidspartnarane å gjenskape miljøet med levande middelaldermennesker i aktivitet, og inviterer publikum til å få eit innblikk i dette.

På Koengen var ein gruppe krigarar i aksjon med pilregn og valslyngn Magnus. Tidsreiser hadde sverdleik for ungane, og Kongshirden 1260 hadde oppvising av kamp med blankvåpen. Fekting, pil og boge og kastemaskinar appellerar til dei fleste, og ekstra kjekt er det når ein verkeleg kan utfalde seg i leikekamp for både store og små.

Bymuseet er arrangør i samarbeid Statsbygg som forvaltar mellom anna Håkonshallen, Portkastellet, ringmuren og Rosenkrantztårnet. Forsvarets avdeling for kultur og tradisjon ved Bergenhus Festning er representert ved Kommandantskapet, Festningsmuseet og Sjøforsvarets Musikkorps, og er også samarbeidspart i Bergenhusdagene. Det samme er Nasjonale Festningsverk, som er ein del av Forsvarsbygg, har hovudansvaret for å forvalte dei nasjonale festningane som opne og tilgjengelege kulturminner, samt utvikling av festningane som arenaer for historie- og kulturformidling, turisme og næringsverksemd. På Bergenhus Festning forvaltar NFV samtlige bygg bortsett frå middelalderbygningane.

Følg Bergenhusdagene på Facebook, så vert du oppdatert når det nærmar seg neste Bergenhusdagene.

Kulturminnedag – Vindenes og Høybøen

Det var ei kulturminnedag med stor spennvidde vi fekk i Fjell, den 15. september!

Dagen starta med arrangement i Notloftet på Vindenes, loftet på nothengjo som Hans O. Vindenes fekk bygd i 1946, og som kunne tørke opp til 9 snurpenøter på ein gong. Loftet som i dag fungerer som festlokale og har utstilling av gamle bilete og fiskereidskap frå tida med aktivt fiskeri i fiskarhøvdingen Hans O. Vindenes si tid, fram til1973. Han var storfiskar og fiskebåtreiar, og jobba aktivt for å modernisere fiskeria. Olav Kobbeltveit fortalte oss meir om han, medan Jarle Vindenes fortalte om Notloftet. Vi fekk også høyre om folket på Hevrøy av bygdebokforfattar Halvor Skurtveit, medan Gudveig Lillebø fortalte om forfattaren Zinken Hopp si tid på Vindenes, ho var ofte gjest hos Hans O. og familien, og bygde også seg ei hytte her. Olav Ulveseth gav oss musikalske innslag i forma av velkjente songar av Johannes Kleppevik. Galeasen Loyal kom også til arrangementet og la til ved Vindenes kai, her fekk vi høve til å komme ombord og få omvising, og etterkvart kjøpe fiskesuppe.

Nokre valde å avslutte arrangementsdagen på Vindenes, medan en stor gjeng også ville ha med seg vandring med arkeolog Knut Andreas Bergsvik som guide, for å fortelja om dei arkeologiske funna i området. Heile området her er det gjort arkeologiske undersøkingar, sidan dette var eit av dei akutelle områdene for olje og gassutbygging før Kolsnes vart valt. Vi passerte ei rekkje steinalderbuplassar på austsida av Vindenesstraumen, dei eldste frå tidsrommet kring 9700-9400 før notid, før landhevinga var dette ei ope sund og gode fangstplassar. Også frå seinare perioder i steinalderen, 5000-3000 år før notid, har området vore brukt, og det kan endåtil oppfattast som fast busetjing i området i yngre steinalder, med våningshus, husdyr og korndyrking. 

Mellomaldergarden Høybøen var målet før vi skulle returnere. Her kan vi framleis sjå tufter etter mellomaldergarden som har vore heilt utgravd, her var det to fleirromshus som vart lagt øyde ved Svartedauden, det hadde då vore busett sidan 1100-talet. Det har diverre grodd kraftig til i tunet dei seinaste åra, og store husdyr beitar i området, som slit på kulturminna. Folket på Høybøen måtte anten gje tapt for pesten eller dei valde å flyttet til betre gardar som hadde vorte ledig etter den store Svartedauden, og sidan har området berre vore utmark, noko som gjer at spora frå middelaldermenneske i stor grad var urørt og kunne fortelje arkeologane mykje då dei gjorde utgravingane på 1980-talet. 

Det var ein kjempeinteressant og lærerik dag i Fjell, med mange interesserte menneske og turdeltakarar som fekk del i kunnskapet til foredragshaldarane og guiden. Heldigvis haldt regnet seg borte mesteparten av dagen slik at det berre var returen frå Høybøen som var verkeleg våt. Det var verkeleg ein frisk og fin kulturminnedag i godt selskap!

Sjå programmet for dagen

Flotte glimt frå Fitjarsoga

Fitjar har ei lang soge og Håkon den gode står sterkt i medvitet hjå fitjarbuen. 12. september var det sogekveld med glimt frå fitjarsoga. Forestillinga starta med eit utdrag frå Håkonarspelet. Alle skodespelarane kledd i svart og det var berre få og utvalde rekvisitter. Dette fungerte likevel veldig bra, og fekk formidla viktige trekk i denne delen av fitjarsoga.

Mellomalderen i Fitjar vart illustrert med middelaldermusikk av flinke, unge kulturskuleelevar. Deretter gjekk vi videre inn i tida for hekseforfølgingar med ei historie om Ingeborg Olsdotter, ei lokal heks, før andre kulturskuleelevar dansa Heksedans kring ei dampande jerngryte til musikk frå Which witch. Så kom det historier både om mølledrift, foreningsliv og misjonskvinnene. Det var også informasjon om Osternes festning og Fitjar sogelag, desse og Håkonarspelet, hadde også stand i foajeen som publikum kunne høyre meir om, eller melde seg inn i som medlem.

Det var ei heiskapleg og flott forestilling som hadde ei ledig og fin stil, ei blanding av skodespel, kåseri, opplesing, fortelling og framvising av bilete. Særs flott var det at fleire av aktørane hadde funne fram og tatt på seg klede som understreka historia dei fortalde, som dressen til ein amerikaonkel eller uniformen til ein slektning. Desse enkle, men virkningsfulle grepa gjorde sitt til å levandegjere fitjarsoga. Det var særs mange aktørar på scena og involverte i produksjonen, og kultursjef Bente Bjelland hadde regien på sogekvelden.

Alle gjorde ein imponerande innsats, og gav ei nesten fullsett kultursal ein fantastisk lærerik, interessant og ikkje minst kjekk kveld!

Sjå meir om forestillinga i Fitjarposten Fitjarsoga på 100 minutt, Frå Facebook om arrangementet. Sogekveld var også arrangement i Kulturminnedagene

Det kastes! 1 – 2 – 3!

Kong Harald fór vestetter langs med lande og hadde ein ovende stor her, og denne vetteren kalla dei muge-vetteren. Kong Harald kom til Bjørgvin joleftan og lagde seg med floten i Floruvaagar, daa han ikkje vilde slaast i joli, for helgi si skuld, men kong Magnus laga seg til i byen. Han lét reisa ei valslyngje ut-paa Holmen og lét gjera ei lense av jarnlekkjur og timber og leggja tvert yvi Vaagen fraa kongsgarden (Frå soga om Magnus Blinde).

Julen 1134 lot kong Magnus byggje ein valslynge på Holmen i Bergen (Bergenhus festning), for å verna innløpet til Vågen. Dette er første gong ein kastemaskin er omtala  i Norge. I resten av den langvarige borgerkrigstida på 11-og 1200-tallet vart dei brukt hyppig, både mot skip og festningar.

Valslyngen «Magnus», vart innvia på Koengen under Bergenhusdagene, den er bygd av Bjørgvin Handverkslag, ei gruppe som særskilt interesserar seg for historisk handverk og teknikkar.  Skipa på Vågen fekk ligge i fred denne gongen, men vi fekk likevel ein slagkraftig oppvising med eit heftig middelaldervåpen. Valslyngen var utan tvil ikkje berre årest nyhende, men også årets hendig på Bergenhusdagene 2013. I forkant hadde handverkslaget jobba hardt og intenst både med å komme fram til konstruksjonsmåte og sjølvsagt å bygge vidunderet. Alle deler er tappa saman, utan skurer eller spiker, hogge til med stemjern og kniv. Dette gjer «Magnus» til eit byggjesett som kan takast fra kvarandre og fraktast. Jernbanda til å halde sjølve akslinga har dei sjølve smidd.

Kvar heile time i løpet av arrangementet som varte to dagar, vart det ropa med høg og kraftig røst Det kastes! 1- 2 – 3! og like etter snødde det med kvitt over den grøne sletta på Koengen. Det var blad frå kålhovuda som vart slynga 100 meter gjennom lufta som dalte stilt ned på det avgrensa området. Utanfor sperringane og spesielt oppe på festningsvollen samla publikum sett for å sjå vidunderet. Det var stort stemning kvar gong, og ved kvart timeslag fauk det mange ladingar over sletta – høgt og stabilt omlag same stad kvar gong.

Det var ikkje så mye kystkultur på Bergenhusdagene, men til gjengjeld er det mykje soge på Bergenhus Festning som i middelalderen gikk under nemninga Holmen. Kong Øystein Magnusson flytta kongssetet  til Holmen på 1100-tallet og bygde opp ein kongsgard. Då borgerkrigane gjekk mot slutten i første halvdel av Håkon Håkonsson sin regjeringstid (1217–63) og Norge ble mer varig samlet, vart det bygd opp ein ringmur av stein på Holmen. Den skulle beskytte trehusa mot brann og mot fiender. Bergen ble då hovudstad i Norge og Holmen det politiske sentrum. (Kilde Wikipedia).

Bergenhusdagene vert arrangert av Bergenhus Kommandantskap, Statsbygg Vest, Forsvarsbygg/Nasjonale Festningsverk og Bymuseet i Bergen.

Arrangementet har fått støtte av Bergen kommune, Visjon Vest, Hordaland fylkeskommune og Kystsogevekene.

Tid for tidreiser!

Denne helga vert det mange spennande arrangement som ber i seg aspekt av svunnen tid. Her kan vi ta turen heilt tilbake til middelalderen, eller mimre om gamle dager. Her er eit vidt spekter av arrangement både i tid, geografi, aktiviteter – noko for ein kvar smak!

På Bergenhus festning vert det stort familiearrangement Bergenhusdagene, med middelaldermennesker og marknad, og kampoppvisingar, hoffskole og historisk vandring og omvisning. Her vert det aktiviteter og mykje spennande å sjå, vere med på og oppleve for både liten og stor. Den nye store kastemaskinen Magnus, skal takast i bruk for første gong, det er ein valslynge som er kring 2,5 meter høg og har ein kastearm på kring 5 meter. Det skal verte spennande å sjå kor langt denne middelaldersk krigsmaskinen kan kaste.

Opplevingar frå andre og farne tider kan du få også om du vert med Fjellkoret på Kleppevikkveld, der vert det kabaret og song og skodespel frå strilakulturen og kystkulturen som Johannes Kleppevik skildra i mange av songane sine. Det er duka for kjekker stunder i dei to forestillingane i Liaskjærshallen fredag og søndag.

I ungdomshuset Solvang på Manger fekk vi forrige helg ta del i opninga av utstillinga Gryta hennar mor, som viser miljø og gjenstandar frå 1950- og -60-talet. Utstillinga vil vere open også på søndag, og her er alt lagt til rette for mimring og moro. I rike utvalet av kvardagsgjenstandar frå denne tida, er det høve for dei fleste å finne att ein kopp eller kanne dei har sett før i ein bestemor eller tante sitt kjøken, eller ein hadde sjølv i den tida. Utstillinga er open dei to neste søndagane. I tillegg inviterar dei til Temakveld om matkultur frå same tida, og dei dekker festbord med tradisjonsmat frå 1950- og 1960-åra, middag med tilhøyrande dessert, kaffi og kaker. Temakvelden inkluerar også foredrag/kåseri om matkultur ved økobonde og matskribent Erik Halvorsen. Det vert også musikalske innslag. Påmelding innan måndag 9.sept til tlf 41421820 eller tlf 99157524.

I Eknesvågen kan du få høyre meir om tida oljen kom til Nordhordland, når Eknesvågens venner inviterer til bokkafe med foredrag. Det er tidlegare informasjonssjef på Norsk Hydro Mongstad, Karl Kolstad som fortel.

Johannes Heggland har ikkje berre laga Håkonarspela, han har eit langt og rikt forfattarskap bak seg, med både spel, lokalhistorie, romaner og ungdomsbøker. I Saltebuo på Nedrevåge i heimkommunen hans Tysnes, inviterer ei brei samansatt arrangørgruppe til å sjå nærare på Johannes Heggland sine kvinneskikkelser i forfattarskapen, her kan du møte både Anna Gyria og høyre nokre av Oldemorsongane.

Sunnhordland museum har forøvrig også fokus på gamle dagar når dei med samarbeidsparar har open dag både i Sunnhordlandtunet i Leirvik på laurdag, og  i Årskog museum på Fitjar på søndag.

Ønskjer du å vere aktiv, kan du ta turen til Sæbøvågen slipp på Radøy, her arrangerer Keipane kystlag Familiedag med fiskekonkurranse og utfordringa er kven får den største fisken? Vandrepokalen er pussa. Det vert også ein dartkonkurranse, slik at her er høve til å vinne fleire prisar. Det viktigaste er å ha ein kjekk stund for store og små. Her kan ein også lage barkebåtar eller leike i krabbdam.

Også i Sveio inviterer dei til Familiedag – her vert det samling og aktivitetar på Kaien i Førde. Her vert det både gamle og fine båtar å sjå på, og høve for dei små til å vere skipper på den vetle redningsskøyta Elias. Folk vert oppmoda om å ta sjøvegen til Førde. Her vert det også utekonsert på kaien.

Det er Kystsogeveker og mykje å velge mellom, dette er berre ei utval av dei kommande arrangementa.

Sjå i programmet, ta deg tid til å delta, så får du deg garantert ein god opplevelse! 

Sjå heile programmet på www.kystsogevekene.no  

Fra Bergenhusdagene og folkeliv på Bryggen

Helgen 8. og 9. september 2012 var det svært mye som foregikk i Bergen. På Bergenhus Festning ble det arrangert Bergenhusdagene med middelaldermarked, aktiviteter, omvisninger, musikk og mye moro.

Det var ikke så mye kystkultur, men til gjengjeld var det mye soge på Bergenhus Festning som i middelalderen gikk under benevnelsen  Holmen.  Kong Øystein Magnusson flyttet kongssetet  til Holmen på 1100-tallet og bygde opp en kongsgård. Da borgerkrigene gikk mot slutten i første halvdel av Håkon Håkonssons regjeringstid (1217–63) og Norge ble mer varig samlet, ble det bygd opp en ringmur av stein på Holmen. Den skulle beskytte trehusbebyggelsen mot brann og mot fiender. Bergen ble da hovedstad i Norge og Holmen det politiske sentrum. (Kilde Wikipedia)

Det var i dette området at Bymuseet i Bergen, Statsbygg Vest, Forsvarsbygg og Kommandantskapet på Bergenhus inviterte til Bergenhusdagene.  Vi hadde en fin helg med mange glede mennesker som kom innom for å se, oppleve og være med på aktiviteter.

Det var også Bergen Matfestival denne helgen og det var yrende liv på Bryggen og Torget. Langs bryggekanten lå det masse flotte flaggpyntede fjordabåter og viste seg fram, og folk kunne gå ombord for  å se og å kjøpe seg en liten matbit.