Kategoriarkiv: kulturvandring

Aktivitetar og tur på Herdla fort

Søndag 4. september var det Aktivitetsdag på Herdla fort, med opplevingar for heile familien. Heile det store området på Herdla fort var tatt i bruk, av museet og ulike lag og organisasjonar.  Sola skein frå klar himmel, og lokka til vandring i spennande landskap, og dørane til fortet sto ope slik at vi kunne utforske hemmelege rom i fjellet. 

Då vi kom til Herdla fort denne flotte søndagen vrimla det alt av folk på heile det store området. Det var hestar som kunne ris og hundar som skulle vise sine kunster, det var taubane, diskogolf og turløype.

Vi fekk raskt med oss at vi kunne rekke eit lite høgdepunkt på dagen, nemleg kanonsalutt kl 12.15. Med kartet i hand la vi ut på vandring langs vegen rundt neset. Vi passerte utstillingshallen GUL 16 der flyet frå andre verdskrig står utstilt, og der det var kafe. Vi rakk ikkje innom denne gongen, her måtte kanonen prioriterast. Askøy Turlag markerte også Kom-deg-ut-dagen, og det var hengt opp rebusoppgåver langs løypa. Askøy jeger og fisk hadde stand der vegen bøyer rundt, og der De Zee Ploeg minnepark er.

Vi gjekk løypa videre og skunda oss ned til kaien ved torpedo-batteriet.  Det sto ein liten kanon klar på kaien, og kort tid etter var det stor spenning medan vi venta på salutten – og jammen var det smell! Då kruttrøyken hadde lagt seg, såg vi at kanonen hadde flytta seg mange meter bakover på kaien. Artig for store og små som så det, og garantert til å høyre utover eit stor område, både på land og utover fjorden.

Etter salutten hadde vi tid til å roe oss ned og sjå på krabbene som var i kummen, her kunne vi også ha kjøpt med oss krabbe, både kokt og levande.

Torpedobatteriet var også ope, og det er spennande å få gå inn i dette tidlegare militære anlegget. Her låg det torpedoar og missiler i mange storleikar, merka med dummy, heldigvis utan sprengstoff, men med ledningar, bolter, propeller og andre merkelege innretningar. Her kan ein gå rundt lenge og la seg fascinere.

Etterpå gjekk vi også inn i ein fjellhall der store kontainare hang fritt og tungt frå taket, for ikkje å gå istykker om det kom ein stor spreng som ryste bakken. Inni desse var det både soveplass, komandosentral, overvaking og alt som trengtes under den kalde krigen.

Vel ute i sola igjen gjekk vi opp til Herdla fuglestasjon der dei var i gong med å merke fugl. Vi fekk sjå fugler på nært hald, og fekk fortalt korleis ein gjer når ein målger, veger og ringmerker fugler. Dette var populært, og mange stoppa opp også her får å sjå og høyre.

Vidare var det både Vikingaktivitetar ved Askøy vikinglag, og målgang og innlevering for Askøy turlag sin rebus.

Vi og svært mange andre hadde ein flott Aktivitetsdag på Herdla fort. Tusen takk til arrangørane Herdla museum og alle samarbeidsparane Herdla fuglestasjon, Askøy turlag, Askøy diskogolfklubb, Askøy kommune, kulturavdelinga, Gone paddling, Herdla forts venner.

Aktivitetsdag på Herdla fort

Søndag 6. november var det Den norske Turistforening sin nasjonale Kom-deg-ut-dagen. Denne dagen har vore markert på Herdla i fleire år, og var arvtakar for Herdladagen, og arrangementet har fått namnet Aktivitetsdag på Herdla fort. Det er ei rekkje lag og organisasjonar i sving med få i stand arrangementet, saman med Herdla Museum, ei avdeling i Museum Vest.

Her var det redningshundar, ornitologforening, friluftsrådet, statens naturopplyn, turlag, korps, jeger og fiskeforening, vikinglag og fleire som alle bidro slik at publikum skulle får rikeleg med aktivitetar og opplevingar. Askøy turlag hadde også Tipp-tur, som det var naturleg å ta når ein gjekk på tur mellom aktivitetar og oppgåver, her møtte vi nemleg på postar med spørsmål undervegs, og traff samtidig på fleire av foreningane.

Vi koste oss og fekk litt trim og aktivitet denne føremiddagen på Herdla, og det var det også mange andre som gjorde kunne vi sjå i avisa Askøyværingen: Askøy Turlag vil ha deg ut i og Flere hundre kom seg ut  i Askøværingen

Veka etter aktivitetsdagen kunne vi også lese i Askøyværingen at det no var vedtatt: Herdla-torpedobatteri-fredet-av-riksantikvaren. Vi rakk ikkje å gå til torpedobatteriet denne gongen, men har vore med og sjå den spennande militæranlegge på ein tidlegare aktivitetsdag.

Kystsogevekene var i torpedobatteriet alt då det var Herdladagen, i 2010 og på Aktivitetsdag i 2012.

På tur til Skageneset på Radøy

Startskotet for kystsogevekene på Radøy gjekk dagen etter det offisielle opninga i Tysnes. Radøy er den mest aktive kommunen der det er flest arrangement med i kystsogevekene, i år er det ikkje noko unntak. Radøy fant at det i høve Friluftslivets år og  er 70 år sidan andre verdskrig tok slutt, var heilt naturleg å legga opninga av kystsogevekene til Skageneset,

Turen starta imidlertid ved rådhuset på Manger og ordførar Jon Askeland samla troppene, medan kjentmann Odd Matre losa oss gjennom kystlandskapet. Det var kring 65 menneske med på turen.

Imponerande mange møtte fram i Skageneset, anten dei hadde kommen til fots eller i båt, for minst like mange venta på Skageneset som dei som gjekk turen over land.

I Skageneset som i dag er friluftsområde, vart mange under krigen hjelpt på flukt til Shetland, og dagens heidersgjest Ingeborg Skagenes. Mor hennar, Dorthea Skagenes gav skjul for over hundre flyktningar medan dei venta på å koma seg over til England. Vi fekk eit historisk orienterin om aktivteten i Skageneset under krigen ved ein representant for Radøy sogelag.

Keipane Kystlang og Radøy ungdomsklubb og RS Ung Radøy var alle med og tilbydde aktivitetar for dei frammøtte. Ungdomsklubben hadde skattejakt med borna, og RS Ung tok borna med seg på turar med sin nye båt. Keipane hadde med segfleire kajakkar  som folk kunne prøve seg i, og dessutan den fine snekka, Kjekken som tor turar utpå sjøen. Det var også kafe med god kystmat, med fiskeburger tillaga på takke over bål.

Lokalavisene var også med på opningsdagen på Radøy, her kan du lese meir:

Stort å over å vere tilbake  Om heidersgjesten fortel om si oppleving i Avisa Nordhordland
Kystsogevekene startar –
Førehandsomtale i Avisa Nordhordland
Pangstart-pa-Kystsogevekene – Strilen si reportasje

Opning i Skageneset – Radøy kommune si omtale av arrangementet

Siste helg i Kystsogevekene 2015

Den sjette, og dermed siste helga i Kystsogevekene 2015 står for døra, og har sjølvsagt mykje å by på. 

Forestillinga om Anna Gyria – ei kvinneskikkelse i Johannes Heggland sitt forfatterskap, som Johanne Øvstebø Tvedten gav liv til så levande og flott i opningshelga, er programmet på torsdag 10. september, i Kystkulturkveld på Halsnøy kloster. Denne gongen har ho også med seg tonefølgje av Ole Jakob Hystad på saksofon.

Johanne Øvstebø Tvedten som Anna Gyria
Johanne Øvstebø Tvedten som Anna Gyria

Det vert spennande opningshelg hos Dei på Gjerdet, på Gjerdet kulturminnegard i Fjell denne helga. Dei freistar med Tidlaus luksus, med handverk, design, kunst og husflid. dei på gjerdetIvar Medaas – Dar kjem Dampen, legg til i Austrheim samfunnshus på laurdag, då vert det igjen høve til å få med seg Claus Sellevoll og gjengen. Austrheim songlag open kafe med sal av kaffi, mineralvatn. øl og vin både før og etter kabareten. ivar claus-001I Sund inviterer dei til Kystpilegrimstur. Det vert tur frå Golta til Telavåg med formidling av kulturminne i Nordsjøløypa. Det erhøve for kjøpe seg frukost på Glesvær kafe.  Turen går frå Golta til Telavåg, med servering av fiskesuppe på Nordsjøfartmuseet. Det vert kulturminneformidling og historieforteljing undervegs i løypa. Iniativtakar er kommunen saman med Kyrkja, Nordsjøfartsmuseet, Nordsjøløypegruppa Ut Mot havet, Sund Turlag og Glesvær kafe.  Kystpilegrimsturen er ledd i både Kystsogevekene og Kulturminnedagane 2015. ut mo havet sundPå laurdag vert det Open dag på Årskog museum, på Fitjar. Også her som på Stord er tema Alt kan flettast! Det vert aktivitetar, opne hus, kaffi og kaffimat i museumstunet på Årskog.

Kystsogevekene 2015 opna på Tysnes, og det vert også arrangement på Tysnes her siste helga. Husflidsmesse i Tysneshallen er det både laurdag og søndag, medan Kulturløo på Drange held opent og har foredrag på laurdag med bygebokforfatteren Ernst Berge Drange. På søndag inviterer Tysnes sogelag og Tysnes folkeakademi til Skorpo skule, der vi kan få høyre amanuensis Arild Marøy Hansen: «Leia som historieforteller», om marinarkeologiske funn kring Tysnes.

I tillegg vert det andre arrangement:
Gulen: Ope på Sellevåg Treskofabrikk
Radøy: Risnesmarknaden, med påfølgande tur.
Radøy: Ope på Nordanger gardsmuseum
Lindås: Eknesvågens venner inviterer til tur kring Esevatnet med start og mål i Vassel på Lindås skulemuseum.
Osterøy:  Kulturminnedagen – Nabolag – menneske, kulturminne og historie Vaksdal/Gullbrå kl 13
Fjell: Dei dyrebare vannressursane, med tur på Kolltveit.

Sjå heile programmet 

Kor tenkjer du å ta turen?

Tredje helg i Kystsogevekene 2015

No byrjar det nærme seg tredje helg i Kystsogevekene 2015, og det er stadig eit vell av arrangement å ta seg til i store delar av vestlandsregionen.

Dei kviler ikkje i Austrheim, men inviterer både til sykkeltur gjennom kommunen, og ikkje minst vandring i Fiskarbonden sitt rike på Krossøy.

Tek ein turen lenger nord til Landsbyen i havet – Fedje, kan ein få med seg revy både fredag og laurdag, og laurdag vil dessutan gamle Dampen Oster, vil ligge ved kai, og det vert både basar og open trafikksentral mm.

På Radøy helt entusiasten Guttorm Storheim ope i den store motorsamlinga si, han samlar på gamle båtmotorar, og det er stor sjanse for å få høyre godlyd på laurdag.

I Bergen vert det Gøy på landet når Hordamuseet inviterer folk til å vere med til Gamle dagar, med både robåtar, seglbåter, hopp i høyet og andre landsens gjeremål, gjerne i klede frå gamledager. Det er også høve for å køyre veteranbuss til Stend stasjon og det litle museet over gamle Osbanen.

I periferien i Vest, på Glesvær i Sund vert det Periferifestivalen, man havsus og populærmusikk, god stemning og god mat frå sjøen. Søndagen vert det Kyststemne i Trellevik kystkultursenter, her vert også Johannes Kleppevik Minnepris delt ut til en person som har særmerkt seg i arbeidet for kystkulturen i Hordaland. Kven som får prisen er framleis ein løyndom!

I Fjell inviterer Fjell kystlag til Langøy Kystgard for den tradisjonsrike Langøymarknaden på laurdag og søndag. Her er det høve for skillingsboller, mat og ein tur utpå sjøen med kajakk eller robåt, og ikkje minst god stemning på den flotte plassen.

I Fusa er dei inspirerte av tv-serien, når dei inviterer kystsogedag på den gamle 1700-tals militærgarden Engevik Gaard Anno 1724. Her vert det både kjente Anno-fjes som bøkkaren Jostein Gangstø frå Tønnegarden og Enok Groven, i tillegg til torghandel, bunader med aner frå 1700-talet og andre aktiviteter.

I Sveio, heilt sør i fylket er det klart for Kystsogedagar i Buavåg, her vert det sosialt og konsert med Embla laurdagskvelen, medan søndagen i er via tema Kultur og fruluftsliv, i høve Friluftslivets år, det vert tur frå Hovda, og vel framme i Sjøhuset vert sjølvsagt den gode hjortegryta servert.

Laurdag 22. august er det også Seilingens dag fleire stader i landet, også her i Hordaland.

Sjå heile programmet for Kystsogevekene

Programmet for den offisielle opninga av Kystsogevekene 2015

Her viser vi det trykte programmet for den offisielle opninga av dei 19. kystsogevekene i rekka. Heilt sidan 1997 har denne stormønstringa funne stad på kysten av vestlandet kvar august og september.

I år er det Tysnes som som skal vere vertskap for den offisielle opninga av den store mønstringa, og vi ser fram til ein flott dag på Tysnes, med start på Årbakka handelsstad og sjølve den offisielle høgtida på Alsaker bryggje på Onarheim. Her vert det både marknad, underhandning, utstillingar og aktiviteter. Mange lang og organisasjoner stiller opp for å gjere dette til ein festdag for alle.

Opningsdagen vert avrunda med å ta i bruk kyrkja som Onarheim kulturkyrkje, med forestilinga Anna Gyria, basert på kvinneskikkelsen i Johannes Heggland sine romaner. Det er Johanne Øvstebø Tvedten som gjev liv til romanfiguren.

Vi gler oss til laurdag 8. august og den offisielle opninga av Kystsogevekene 2015. 

Bli med du også!

åpning s 1åpning s 2åpning side 3

åpning s 4 copy

 

Friluftslivets år 2015 også på kysten!

2015 er Friluftslivets år og Kystsogevekene vil også markere dette, og vi håpar folk også tenker på kysten som arena for friluftsliv.

Bruk sjøen og kysten til friluftsliv, og ikkje berre fjellet og marka. Vi ønskjer oss eit yrande kystfriluftsår også i våre 22 kommunar i løpet av Kystsogevekene.

Ver ute i naturen ved og på sjøen, gå i lyngheiar og kysttsriper, ta båten ut og utforsk ei øy, gjer strandhogg eller kast ut fiskesnøret. Dra på dagstur, eller ta med telt eller sov i strandkanten.

Ver ute, beveg deg, få frisk luft og nyt friluftslivet også på kysten!

#FÅ15 

Performancekunst på Herdla

Laurdag 30. august kunne folk få med seg Performancefestivalen Mellom himmel og hav 2014, Between Sky and Sea 2014 på Herdla fort heilt nord i Askøy. Ei rekke nasjonale og internasjonale performancekunstnarar var invitert til å vise ein performance knytt til årets tema: A given place

Det er fjerde gong Between sky & Sea vert arrangert, første gong i 2005, på Lygra i Lindås, sidan har det vore på Herdla, i 2008, i 2011 og i år, 2014. Det er i natur- og kulturlandskapet som er ramma kring framføringa, og kunstnarane er valgt ut på grunn av at dei på ein eller annan måte jobbar i spennet mellom by og villmark.

Kuratorar for performancefestivalen var Małgorzata Sady and Rita Marhaug, og kunstnarane som deltok i år var:

1   Maurice Blok (Finland/Netherlands)
2   Carpenter + Longva (duo, USA and Norway)
3   Benedicte Clementsen (Norway)
4   Sandra Johnston (Northern Irland)
5   Jolanta Krukowska (Poland)
6   Karen Kipphoff (Norway/Germany)
7   Richard Launder (United Kingdom)
8   Jan Mioduszewski (Poland)
9   Sigmund Skard (Norway)
10 Paulina Zielińska (Poland)
11 Kamoji + Warszawa (duo,  Japan and Poland)

Dagleg leiar hadde ikkje høve til å vere med på Herdla, men er glad for å ha fått låne bilete av Kari Vik. Bileta får tale for seg sjølv, klikk på bileta og få opp karusell med montasjar.  Alle foto Kari Vik, montasjar av Kystsogevekene.

Det skal ha vore ei flott, spennande og spesiell oppleving!

Askøyvæingen var også på Herdla

Her kan du også sjå litt bilete frå forrige Himmel og Hav III i 2011.

Ei reise til steinalderen – i Fosenstraumen

Siste helga i august var det høve for å ta ei heilt spesiell reise, like til steinalderen, på Steinalderhelg på Ramsvikneset. På Radøysida av Fosenstraumen hadde Straume Steinalderpark ved Børje Møster frå Godjord og Morten Flint Smed Kutschera, frå Kutschera Crafts etablert ein steinalderbuplass. Her er i området ved den fiskerike Fosenstraumen som i dag skiljer Radøy og Austrheim, er er det rike spor etter steinaldermenneske, her er funne pilespissar, steinøkser og andre reiskap, det var dette dei ville forsøke å gjenskape.

Morten er Norges einaste flintsmed på heiltid, han er i verdsklasse, spesialist på å lage reiskapar og våpen av flint og andre steinsortar. Han kan trylle fram pilspissar, dolkar, og økser ved å knuse stein. Han deltek ofte på ulike arrangement, har opplegg i Den kulturelle skulesekken for skuleelevar, og lagar replika for museum, utstillingar og andre oppdragsgjevarar. Morten er ein framifrå formidlar, og gjev publikum eit innblikk i det eldste handverket i verda. I høve Steinalderhelgen har han båre med seg kilovis med flint, stein og utstyr for å lage nye reidskap gjennom mark og ulendt terreng for å rigge seg til ved sjøkanten slik steinaldermenneska sat og jobba. I posten Steinalderhelg i Fosenstraumen finn du også ein film der flintsmeden viser og forklarer korleis han arbeider fram redskap.

I på sjøen ligg ein merkeleg farkost og duppar i letter sommarbølger, det er Havelgen, ein ekseprimentell steinalderfarkost, denne kan du sjå mer om i BT sin artikkel Skinnbåten er på sjøen. Det er Børje Møster som driv Godjord i Øvre Manger som både har fått laga båten og teltet som er sett opp på Ramvikneset. Båten var bygd på garden hans, og gjestearbeidere frå fleire land hjulpe til med bygginga. Det er planar om ein Straume Steinalderpark i området, og dette er ein liten forsmak på det.

Børje testa ut og prøvde å få fisk med ein beinkrok som Morten hadde laga, men det var kan hende for fint ver til at fisken ville bite. Vi kunne sjølv også få prøve oss å fiske, eller ungane kunne lage seg ein liten flintflekke til å spikke eller skjære med.

Litt opp for sjøen, i ein lun liten fure i landskapet er leirplassen med telt og gapahuk. Dette har sikkert vore ein vik i steinalderen då havnivået var høgare. Her er det bygga opp eit svært telt, forma som ein samisk lavvo, og trekt med eit utal skinn. Teltet er svært og høyresit, det kan nok romme eit tyvetalls personar. Langs yttersidane er det pallar med skinn på slik at folk kan sitje eller bruke osm soveplassar. Midt i teltet er det bål og grue det det vart laga mat. Vi fekk smake grilla lammelår, låret var dyppa i sjøvatn på førehand og var på den måten lett salta på utsida – kjempegodt!

Lenger opp i det litle dalføret var det sett opp blink, og ein kunne prøve seg som skyttar med pil og boge. Det var diverre ikkje mange som fann veien til Ramsvikneset, men då vi gjekk som det eit par grupper med menneske som ville ha ein steinalderoppleving – då var dei komen til rette plassen!

Sjå også Godjord sine bilete på Facebook frå 30. august og 31. august

Vått, men Gøy på landet!

Søndag 24. august var det Gøy på landet!Hordamuseet på Stend i Bergen. Dette er eit årleg arrangement på museet knytt livet i gamle dagar, med kystkultur og gardsliv. Det er vekt på kystkulturen, sidan Hordamuseet har den nye Båthallen med ein flott samling av 26 opne klinkbygde trebåtar.

Da det var Gøy på landet! var det mykje gøy å vere med på: skjønskrift i skulestova, klesvask i tunet, leikar på skuleplassen eller hoppe i høyet på Bjorvollen. Ungane fekk bygge seg eigne båtar som ofte var kreative konstruksjonar med og uten segl eller strikkmotor, fartøy som straks kunne sjøsettast i eit lite basseng i tunet. Nede ved nausta kunne dei spikke seg krabbefangarar og prøve i fjøra, eller trene seg på å lage knuter og fortøye båtar.

Båtbyggjaren Hallgeir F. Bjørnevik har i perioder base i Båthallen på Hordamuseet kor han byggjer og vøler tradisjonsbåter, han vår å finne i hallen også denne dagen.

Museet har med seg fleire grupper frivillige lag og organisasjoner på dette arrangementet:

Båtlaget Fanafjorden Tradisjonssegling tok med seg folk på fjorden for å prøve å ro i færing eller i seksæring, eller prøve å segle med råsegl eller sprisegl. Hordaland Husflidslag hjalp born med å lage hoppetau på reperbane og lage snorer med slyngestokkar. Horda Historiske handverkslaug var med på ulike aktivitetar i tunet, mellom anna karding, spinning og bakst. Foreninga Sprattus Sprattus jobbar for brislingens fremme og serverte smaksprøvar på frityrsteikt brisling.

Det var ikkje berre på Hordamuseet på Stend det var arrangement denne dagen, også på Stend stasjon var det aktivitet, liv og røre. Osbanens Venner inviterte publikum til å komme inn i den vetle stasjonsbygningen på Stend. Her er det laga ein liten utstilling med bilete og gjenstandar frå den gamle jernbanen som gjekk frå Os til Nesttun, og det var viste ein liten film frå banen. Venneforeninga solgte også kaffi og vaflar, frimerker og og postkort og få dei stempla i brevhuset i stasjonen. Kort eller brev som vert postlagt på stasjonen, vert stempla med museet sitt eige motivstempel.

Osbanens Venner hadde også invitert stolte eigarar av veteranbilar slik at langs det korte strekke med togskinner i stasjonsområdet, var det stilt opp flotte veteranbilar. Det var også sett opp veteranbuss frå Lagunen til dei to arrangementa på Stend, slik at publikum kunne får med seg begge, og reise på ein standsmessig måte.

Sjølv om dagen var til dels litt regnvåt, og det ikkje var fullt så mykje publikum som ønske, er det grunne til å tru at dei som møtte hadde ein flott dag, det hadde i hvert fall vi!