Kategoriarkiv: havsport

Frå Litlebergen og offisiell opning av Kystsogevekene 2016

Her er mange bilder fra opningsdagen av Kystsogevekene 2016 på Litlebergen. Ein våt, men flott dag! 

Ved den offisielle opninga av dei 20. Kystsogevekene var det talar ved ordførar Øyvind Oddekalv, som trakk fram Litlebergen sin historie og kystsoge. Nyvalgt styreleiar i Stiftinga Kystsogevekene Børge Haugetun talte på vegne av stiftinga om dei 20. Kystsogevekene, og årets kystsogeveker. Varaordfører i Hordaland fylkeskommune, Pål Kårbø sto for den offisielle opninga av Kystsogevekene.

Kystsogevekene har gjennom alle desse 20 åra vore støtta av fylkeskommunen, og arrangement har gjennom alle desse åra funne stad i 22 kommunar på heile Vestlandskysten.

Det var første gong i Kystsogevekene sin 20 år lange historie at den offisielle opninga var lagt til Meland kommune, og dessutan første gong at det var arrangement i Kystsogevekene på Litlebergen. Det passa fint å ta i bruk ein ny arena på Litlebergen, når opninga skulle vere i Meland.

Arenaen var Litlebergen båtlag sitt hamneanlegg med båtplassar og gjestehamn. Det gamle Møllehuset er pussa opp og sett i stand av båtlaget. Det var rigga til scene på kaien, og kafe og salsboder på land. Det var aktivitetar for born, ein gamal traktor og båtmotorar å sjå, og ikkje minst høyre på.

Det var lagt opp til at ein kunne nytte heile dagen på Litlebergen, med underhaldning, fiskekonkurranse, båttur i Fløtøyosen, kajakkpadling, og mykje anna. Det var svært leit at ikkje veret var på vår side, dette gjorde nok sitt til at mange ikkje våga å ta turen ut i det grå og våte veret.

Dei som kom, fekk likevel ein flott dag, gjennomført og mangfaldig sett saman av ein flink arbeidsgruppe. Åge Skjelvik sto bak roret, og hadde med seg eit flott manskap av erfarne arrangørar  frå Kystsogedagane i Meland. I tillegg var det også knytt til seg lag og grupper med tilhøyre i denne delen av kommunen.

Nordhordland Padleklubb, som hadde ei flott oppvising med mange kajakkar, og demonstrerte kunstar, ruller og kameratredning.

Kuttaren MK Fyksesund gjekk turar i Flatøyosen og hadde guide med seg ombord som fortalte om kulturhistoria på ulike starer kring osen, både på Håøy, Flatøy og Fosse.

Sangkoret Vågen sin festforestilling Frå Broadway til Litlebergen vart på grunn av veret flytta inn i tredje høgda  Møllehuset. Her var det fullsett sal mellom råbjelkene, i det ikkje heilt ferdige lokalet. Det var ei flott ramme kring ei flott forestilling som fenga og underhaldt alle, både songarar og publikum. Vi fekk ei flott stund med musikk med Bjørn Berntsen og Ingelin Skei som solist, og Kristine Fluge som dirigent.

Det var god stemning og godt humør, der songarane gjorde raske og enkle omkledningar på scena, og enkle rekvisittar sette rammene og flytta oss med frå ene musikalen etter den andre, frå Bør Børson, Cats, Mamma Mia og Spelemann på taket.

Tusen takk til Meland kommune, arbeidsgruppa for Kystsogedagane, lag og organisasjonar, enkeltpersonar, frivillige og andre som sto på for å gje oss alle ein fin, om enn grå, opningsdag for Kystsogevekene 2016 – den 20. i rekka!

Den offisielle opninga i pressa:

Avisa Nordhordland sin billedserie frå opninga

Strilen sin reportasje frå opningsdagen

Reklamer

Leiken Hanevikdag

Den sjette Hanevikdagen vart arrangert 6. september og Hanevik vel inviterte til Lek og spill, og mere til… 

Vi var klare for å leike og tok turen til koselege Hanevik på Askøy. På vegen ned til sjølve arrangementet måtte vi sjølvsagt stoppe hos Butikk Josephine som hadde eit lite bruktmarked utanfor sin koselege butikk og kafe.

Nede ved Hanevik sto veteranbussen som hadde frakta folk som hadde sett bilane sine på Ask, og ved inngongen var det klart for å skrive på inngongsbillettane, som også er lodd og legge i mjølkespannet, det er ti for dei store og ti for dei små… Altså koseleg, heilt frå første møte.

Tema for i år var lek og spill og mere til… og vi gjekk straks i gong med leik, det var kaste risposar på blikkboksar, skyting med luftgevær, flotte dukkevognar sto utstilt, ungane kunne lage seg hoppetau med husflidslaget og etterpå leike seg med det, eller fine band med slyngestokkar. Det var også høve for å forsøke seg på petanque, (eller boccia, boulle, kjært born har mange namn, eller er det forskjell?), med Bergen petanqueklubb.

Sjølvsagt var det også høve for å leike seg i sjøen, Askøy kajakklubb  og Aktiv As, hadde med seg mange kajakkar til å prøve seg i, både saman to og to, eller åleine, og det var mange som ville prøve seg.

Det var også sett opp ei liten vikingleir, og Tidsreiser var på plass, og tok gjerne ein kamp med sinte latekssverd.

Folk koste seg i godværet, mellom leiker, folk og aktiviteter. Det var også sjølvsagt høve for å få seg rikeleg båda av kaffe, vaflar, saft og kaker, mange lag og organisasjonar viste seg fram kva aktivitetar dei kunne by på ellers i året også.

Nok ein gong stelte Hanevik Vel og alle samarbeidspartnarane i stand ei flott Hanevikdag for store og små!

Gammeldags kos i Hanevik i Askøyværingen

Dajen darpå i Austrheim

Søndag 16. august var det Dajen darpå i Austrheim, då var det dagen etter Fonnesdagen – dajen dar folk møtest vart arrangert, og to dager etter Dajen før dajen, med konsert på fredagskvelden.

Arbeidsgruppa for Fonnesdagen sto på for skape ei flott helg med opplevingar for store og små, gamle og unge. Då dagleg leiar og familen kom til Årvika vart det ennå litt tidleg søndag føremiddag, dagen etter den store Fonnesdagen, og det var ganske så grått og trist ver, og ikkje minst mykje stikkande smådyr i lufta. Det var ein liten gjeng på plass i den nyopparbeida badeplassen i Årvika, det var fyr i bålpanna og folk i hytta. Ein del ungar prøvde seg på havsportaktivitetar både i kajakk, i SUP-board, og i bad. Minsteguten vår fekk også prøvd seg på ein av favorittakitivitetane, nemleg padle kajakk. Det var ei stille og roleg Dajen darpå. Vi kunne seinare sjå i avisene at det hadde vore godt frammøte då det seinare på dagen vart halde friluftsgudsteneste her.

Etter ein stopp i Årvika var det naturleg å ta turen ut til Vardetangen, vestlagaste fastlandspunkt i Norge. Det var grei merka tur utover, og ein fin tur i det fuktige været. Vel framme ved på Vardetangen fann vi både varde, koordinatar og ei jettegryte. Det er Friluftslivets år, og fint å gå tur i kystlandskap.  Ein slik tur gjer at ein skjønar Austrheim  sitt slagord Opne landskap – ope sinn. 

Sidan det var søndag og Dajen darpå, fekk vi også såvidt eit lite glimt av dei andre arenaene der det hadde gått føre seg arrangement og aktivitetar den siste tida, ikkje berre Fonnesdagen på fonneskaien, men også på kaien i Mastrevik, som hadde vore arena og utgongspunkt for ei rekkje aktivitetar i Havsportveka, her sto bakken til Ta sjansen! telt og utstyr etter dei mange ulike havsportane som hadde stått på programmet. Ein ribbåt kom inn frå ein siste tur utpå bølgjene. No var det tid for å kvile ut etter ein fantastisk innsats både etter Havsportveka som hadde sin siste dag, Ein smak av Austrheim, som pakka telta og utstyret sitt ved Mastrevik torg, og på Fonneskaien og i Årvika.















Friluftslivets år 2015 også på kysten!

2015 er Friluftslivets år og Kystsogevekene vil også markere dette, og vi håpar folk også tenker på kysten som arena for friluftsliv.

Bruk sjøen og kysten til friluftsliv, og ikkje berre fjellet og marka. Vi ønskjer oss eit yrande kystfriluftsår også i våre 22 kommunar i løpet av Kystsogevekene.

Ver ute i naturen ved og på sjøen, gå i lyngheiar og kysttsriper, ta båten ut og utforsk ei øy, gjer strandhogg eller kast ut fiskesnøret. Dra på dagstur, eller ta med telt eller sov i strandkanten.

Ver ute, beveg deg, få frisk luft og nyt friluftslivet også på kysten!

#FÅ15 

Frå Havfestivalen 2014

Fredag 15. og lørdag 16. august var det Havfestivalen i Storesundet på Syltøy i Fjell, det var den fjerde i rekken, etter eitt års pause. Primus motor for festivalen er Gert Nordvik, med seg har han familien Storesund, som har lange tradisjonar i på staden. Sjå meir om historien om og bagrunnen for festivalen.

Fredag kveld var det dei vaksne sin del av festivalen, med konsertar og show, med Ausekarane, Endre Nordvik, Grace&Menace, MK Marvellous Medicine  og New Age, det var scene både i naustet og ei hovudscene ute.

Starten på helga var det ein del regn, men det møtte likevel opp mykje folk for å få med seg festivalen.

Sjølv kom vi med bil på lørdag, men la merke til at det sto mange bilar parkert på Møvik, og då vi kom ut til Storesundet fekk vi forklaringa – det var sett opp skyssbåt som gjekk i rutefart og frakta folk. Eit populært og godt tiltak!

Laurdag var det familiedag med mange opplevingar og aktivitetar for familiar, med mellom anna besøk av Vennebyen. Likevel var det i stor grad Sjørøvarar og piratar som prega mykje av dagen, i hvert fall då vi var til stades. Det var eit kjekt show først frå scena, og alle måtte ta del i sjørøvaraktivitetar som minna mistenkeleg om aerobic, men kva gjer vel det? Det vekte latter og glede. Ivrige små tilskodarar fekk også ta turen opp på scena for å framføra ein song. Etter showet frå scena retta vi merksemda mot sjøen, og der låg det jammen eit lite sjørøvarskip. Alle ungar og vaksne gjekk mot sjøkanten og sjørøvaren tok fram sin store kanonsprettart for å få tatt fienden sin, og å få tak i ein skatt. Mange fekk vere med å fyre med kanonen som sende vannballongkular mot piratskipet. Til slutt fekk dei has på fienden, nokre av dei måtte gå planken, mens skipet var ført til brygga. Vel i land tok «vår» sjørøvar eit kobbel av ungar med seg for å finne skattekista – det gjorde dei, og skatten vart delt – gullpengar til alle!

Andre aktivitetar hoppeslott iform av eit sjørøvarkip, vi kunne skyte med pil og boge, kaste øks på blink, prøve små elektriske bilar, eller ride på hest.

Ein havfestival har sjølvsagt også hav- eller sjøaktivitetar, og borna kunne komme seg litt utpå i Redningsselskapet sin Eliasbåt. Dette er framleis veldig populært, og i år har Eliasbåtane også fått  ny og finare design, slik at dei liknar meir på Elias som ungane kjenner frå film og TV.

Den gamle landhandelen i Storesund er i dag omgjort til museum av Egil Storesund, med alt mulig «rart» fra «a til å». Her nytta vi høvet til å ta ein kikk innom, og vi fekk ei historie og ny lærdom med oss ut igjen.

Det var også ei mengde ungar ute i sundet i kajakkar, det var tydeleg populært og kjempegøyt! Det var stor stas å handtere farkosten sjølv, og for mange var det gjerne den første, men ikkje den siste turen med kajakk, kan hende ein framtidig hobby.

Det var sjølvsagt også høve til å kjøpe seg mat, vi fekk mellom anna prøvd Fjell kystlag sin deilige fiskesuppe!

Frå Fjordabåtdag i Bergen 16. august

16. august inviterte Veteranskipslaget  Fjordabaaten til Fjordabåtdag på Holbergkaien, eller den gamle HSD-kaien i Bergen, kor vi også til vanleg finn mange av desse gode, gamle og velkjente båtane.

På Fjordabåtdagen kunne vi ikkje berre sjå båtane frå utsida, det var også åpne skip og alle kunne komme ombord, sjå seg rundt i salongar og på dekk, på brua og ikkje minst i maskinrommet.  Båtane som låg inne for dagen var Stord 1, MS Atløy, MS Granvin og MS Midthordland. (Fleire av dei andre velkjente båtane var i oppdrag på forskjellige arrangement i Kystsogevekene). Ombord fekk vi også kjøpe litt vaflar eller kaffe, is eller anna mat. Det var også mange som nytta høvet til å skaffe seg bøker eller andre publikasjonar om desse flott båtane. Det var også foredrag i salongen til Stord 1.

På land stor det stilt opp ei rekkje flotte veteranbilar av ulik årgang, og dessutan også brannbilar av ulik alder. Bergen Brandkorps Musikkorps spilte også for pubikum før talarane Øyvin Konglevoll ønskte velkommen, og deretter gav ordet til den nye direktøren i Bymuseet i Bergen, Marianne L. Nielsen som sto for åpningstalen for dagen.

Det var lagt opp til ein heildagsoppleving med fjordabåtar, med både mat og kaffi og opne skip og høve for prat. Litt utpå dagen var det mogeleg å vere med på Byfjordcruise frå Vågen, til Eidsvåg, Strømsnesholmane, Solheimsviken og Verftet, og tilbake til Vågen. Vel tilbake frå tur kunne folk kose seg vidare med jazzkro på kaien, med Deep Dixie som skulle spele gladjazz.

Alle foto i reportasjen er tatt av Kutschera/Kystsogevekene

Her kan du også sjå fleire bilete frå dagen, av Harald Sætre, på Fjordabåtane sitt eige forum